Mangulosi
On pe di ho bere Adytia, sai tangiang ma bahen landasan ni ngolum hipas ma ho jala di dongani Tuhanta nang di parsingkolaonmu gabe anak nabisuk ho sihalomoan ni donganmu tarlumobi gabe si jungjung baringin di natorasmu lae dohot ito. 
Jala tu ho pe antong dohonon nami ma:
Tubu tambisu di dolok ni Sipoholon;
Sai gabe anak na bisuk ma ho bere, anak sipatujoloan
Naung sampulu sada jumadi sampulu dua;
Sai siboan sangap maho jala siboan tua.
Ni patikhon ma inna hujur di topi ni tapian
Manang tudia pe ho mangalangka sai tong-tong ma di ramoti Tuhan.

Botima da, laos di uloshon ma ulos holong i tu si Adytia.
Di jomput Tulangna ma parbue pir
Parjolo dijompot ma parbue tu simanjujungna laos didok pir ma tondiku,
Dungi di jomputma tolu hali tu simanjujung ni si Hitado Managam laos di dok 
Pirma tondi ni bere ku, dijomput muse tu simanjujung ni laena dohot ibotona loas di dok
Pirma tondi ni lae ku doho iboto ku pairing-iring sude bere dohot ibebere ku.
Molo tung adong dope sian horong ni Tulang nalaho pasahathon dekke laos mangihut ma i. Jala laos disi ma Tulang langsung pasahat ulos holong (parompa). Tarhira dos ma angka hatana, ba paling angka umpasa i di ganti tu parbinotoanna dohot namangonjar di rohana.


Tu dongan tubu  ni na-70 :
Tampulan sibaganding
Diatas na pangiringan
Tugabe nama hamu saluhutna
Tondi muna sai masipairing-iringan Arimu ma gabe ala naung marsipaolo-oloan. 

Na-70
Rimbur ni Pakkat tu rimbur ni Hotang,
Sai tudia pe hamu mangalakka, sai tusima hamu dapot pansamotan
Andor hadukka ma patogu-togu lombu,
Sai sarimatua ma hamu sahat tu na patogu-togu pahoppu.
Sahat-sahat ni soluma sahat tu bontean, Sahat ma hamu tu parhorasan, sahat tu panggaben.
Angkup ni i 

Eme sitambatua parlinggoman ni siborok
Amanta Debata do silehon tua, sai luhutna ma hita diparorot