ulaon saur matua, uloan sian tulang

punguan na marhabot ni roha mauliate ma di tuhanta mauliate ma di hita saluhut, tarlumobi ma di hamu keluarga besar ni amangboru nami dison, rodo hami sian horong ni tulang napataridon diri nami na dohot do hami marhabot, ihut tu naung tahatai di ulaon tonggo raja nabodari. songonon ma partording ni ulaon sian tulang siahaan juara monang 1. hata patujolo 2. marende sian buku ende no 449 sai solhot tu silangmi 3. martangiang 4. pasahathon ulos holong 5. pasahathon hata huhuasi (boru, dongan tubu) 6. marende sian buku ende no 219 ise do alealenta 7. martangiang tangiang : puji-pujian, hamuliateon dipasahat roha nami ale Tuhan Debata ama nami, disiala denggan ni basam mangiringi ngolu nami boi hami marnatampak di ari denggan on, disiala mai naung dialap ho ina na hinaholongan sian tonga-tonga nami, tagan so lungun roha jala tarilu tarlumobi ma di pomparan ni lae nami naung nialapmon. hodo nampuna hami, mangolu nang mate pinuji ma goar mu nabadia i, angkup ni i tuhan hodo pangapul nasumurung, ho ma mangupuli jala mangapus iluni keluarga ni ina naung jumolo, pargogoi nasida dinamangulahon adat na hombar tusi sahat tunapataruhon tu inganna parsatongkinan i suang songoni di parpunguan nami on, homa namamasu-masu uloan on sian parmulaan sahat tu na mangunjungi angkup ni i tuhan jumolo sesa ma dosa nami, asa tung tama hami di adopan, mauliate tuhan, on ma tangiang pangidoan nami marhite anak mu Tuhan Yesus Sihokkop hami. amen songon naung tahatai di ualon tonggo raja, sebelum pasahathon hata huhuasi, jumolo majo di pasahat hami ulos holong hamu ma namangaturhon Mandok Mauliate Ma Hita Tu Tuhan Pardenggan Basa,Ala Boi Dope Hita Marpungu Dibagasan Ombas On,Jala Di lehon dope Di Hita Ima Akka Tikki Na Denggan Di ari Partuat Ni lae Nami On(Sebutkan Nama Panggilan Oppu panggoaran Yang Meninggal) Tu Udean Ima Inganan Parsatokinan i. Mauliate Ma Tadok Attong Tu Adopan Ni Pardenggan Basa I,Ala Dilehon do Di lae Nami on,Umur Saur Matua,Molo Masa Pe Namasa I,Sai Tuhani Ma Attong Namangapul Rohani Ganup Akka Sisolhot Na Di Tinggalhon ni lae Nami on,Hita Do Na Marsakkap Alai Tuhan Do Napatulushon. Dibahen i,Sai Rade Ma hita Rap Dohot Roha Na Sonang laho Paborhathon lae Nami On Tu Inganan Parsatokkinan i,Sai Dipasu-pasu tuhan Ma saluhut akka popparanna. Jala Songon Hata ni umpasa ma Dohonon nami;Tinapu bulung siarum bahen uram ni pora-pora, Nahasit i tibu ma malum, jala tibu ma ro si las ni roha. Ale Amanami na di banuaginjang. Sai pinarbadia ma goarMu Sai ro ma harajaonMu Sai saut ma lomo ni rohaM Di banuatonga on, songon na di banuaginjang. Lehon ma tu hami sadarion hangoluan siapari. Sesa ma dosanami Songon panesanami, di dosa ni dongan na mardosa tu hami Unang hami togihon tu pangunjunan Palua ma hami sian pangago Ai Ho do nampuna harajaon, dohot hagogoon ro di hasangapon saleleng ni lelengna. Amen.