Mauliate ma di Tuhanta, mauliate ma nang di hita saluhutna, suang songoni ma di hamu bere dohot boru nami, mauliate ma di gokkon dohot jou-jou mu tu hami Tulang Siahaan Juara Monang ima siala parbogason ni bere si billy/amel . Las situtu antong roha nami suang songoni ma nian nang hamu las ma rohamu manjanghon hami. Molo tung pe songonon haroro nami sai unang ma nian manghurangi di las ni rohamu.
Tu bereku dohot boruku dohonon nami ma tu hamu songon nidok umpasa :
Eme na marbiur, di linggom ni hariara;
Sai torop ma pomparanmu jala maribur, huhut matakkang jala manjuara.
Hau simartolu, di tombak ni Panamparan;
Sahat ma hamu leleng mangolu di haliangi angka pomaparan.
Asa andor halumpang togutogu ni lombu, mamboan tu onan gambiri;
Sai saur matua ma hamu pairing-iring pahompu sahat tu na marnono sahat tu na marnini.
Untuk Kedua Mempelai billy dan amel
Kami dari Tulang Siahaan Juara Monang, bersukacita atas pemberkatan nikah kalian. Kami ucapkan Selamat Berbahagia. jadikanlah Firman Tuhan sebagai sandaran hidup kalian berdua. Doa dan harapan kami kiranya kalian senantiasa saling mengasihi, saling setia dan menjadi keluarga yang diberkati Tuhan serta pasangan yang menjadi role model bagi pasangan lainnya.
Kami akan menyampirkan ulos sebagai bukti holong kami, gunakanlah kasih sebagai pengikat diantara kalian berdua.
Dohonon nami ma songon na ni dok ni sijolo-jolo tubu :
Di ginjang ninna arirang, di toru pargomgoman;
Dao ma sian hamu hata sirang, tondi mu antong marsigonggoman.
Denggan ulos sirara, Tiur tiur dohot rambuna
Sisina marsimata,
Marsirat di punsuna
Sai manumpak ma antong Tuhanta Debata,
Dilehon di hita pasu – pasuna, Tubu ma di hamu anak na marsangap, Dohot boru na martua.
Rimbur ni Pakkat tu rimbur ni Hotang,
Sai tudia pe hamu mangalakka, sai tu sima hamu dapot pansamotan.
Tubu ma halosi di dolok ni Pintu batu,
Hami Tulangmu mangulosi,
Debata do ianggo na mamasu-masu.
Sahat sahat ni solu, sahat di binsar ni mata ni ari,
Pasahaton nami ma ulos holong si ganjang rambu on, leleng ma hamu mangolu di iringiring Tuhanta ganup ari.
Amang Par musik nami, ala naeng pasahat ulos holong ma hami, bahen hamu ma musik “KasihNya Seperti Sungai”
