ulaon sari matua

 punguan na marhabot ni roha mauliate ma di tuhanta mauliate ma di hita saluhut, tarlumobi ma di hamu keluarga besar ni amangboru nami dison raja nababan, rodo hami sian horong ni hula-hula namarhaha maranggi  napataridon diri nami na dohot do hami marhabot, ihut tu naung tahatai di ulaon tonggo raja nabodari. songonon ma partording ni ulaon sian hula hu namarhaha maranggi siahaan 1. hata patujolo 2. marende sian buku ende no 449 sai solhot tu silangmi 3. martangiang 4. pasahathon ulos holong 5. pasahathon hata huhuasi (boru, dongan tubu) 6. marende sian buku ende no 219 ise do alealenta 7. martangiang tangiang : puji-pujian, hamuliateon dipasahat roha nami ale Tuhan Debata ama nami, disiala denggan ni basam mangiringi ngolu nami boi hami marnatampak di ari denggan on, disiala mai naung dialap ho ina na hinaholongan sian tonga-tonga nami, tagan so lungun roha jala tarilu tarlumobi ma di pomparan ni namboru  nami naung nialapmon. hodo nampuna hami, mangolu nang mate pinuji ma goar mu nabadia i, angkup ni i tuhan hodo pangapul nasumurung, ho ma mangupuli jala mangapus iluni keluarga ni ina naung jumolo, pargogoi nasida dinamangulahon adat na hombar tusi sahat tunapataruhon tu inganna parsatongkinan i suang songoni di parpunguan nami on, homa namamasu-masu uloan on sian parmulaan sahat tu na mangunjungi angkup ni i tuhan jumolo sesa ma dosa nami, asa tung tama hami di adopanmu  mauliate tuhan, on ma tangiang pangidoan nami mangasahon goar nianak mu Tuhan Yesus Sihokkop hami.amen 

songon naung tahatai di ualon tonggo raja, sebelum pasahathon hata huhuasi, jumolo majo di pasahat hami ulos holong, ima tu hela dht borunami, parsadaan tu anak ni namborunami on, parsadaan tu pahompu ni ibotonami on

pasahat ulos, hata dison rodo di nanaeng pasahat ulos, tangiang parhitean nami tu tuhanta asa las daging dohot tondimuna jala margogo hamu dinalao pasaehon ari2 ni namboru nami naung jumolo on.  eme sitamba tua ma parlinggoman ni siborok amanta debata do sileon tua, luhut nama hita diparorot

 Mandok Mauliate Ma Hita Tu Tuhan Pardenggan Basa,Ala Boi Dope Hita Marpungu Dibagasan Ombas On,Jala Di lehon dope DiHita Ima Akka Tikki Na Denggan Di ari Partuat Ni iboto Nami On(Sebutkan pasaribu Panggilan Oppu panggoaran Yang Meninggal) laos di lao pataruhon  Tu Udean Ima Inganan Parsatokinan i. Mauliate Ma Tadok Attong Tu Adopan Ni Pardenggan Basa I,Ala Dilehon do Di iboto Nami on,Umur Saur Matua,Molo Masa Pe Namasa I,Sai Tuhani Ma Attong Namangapul Rohani Ganup Akka Sisolhot Na Di Tinggalhon ni iboto Nami on,Hita Do Na Marsakkap Alai Tuhan Do Napatulushon. Dibahen i,Sai Rade Ma hita Rap Dohot Roha Na Sonang laho Paborhathon lae Nami On Tu Inganan Parsatokkinan i,Sai Dipasu-pasu tuhan Ma saluhut akka popparanna. Jala Songon Hata ni umpasa ma Dohonon nami;Tinapu bulung siarum bahen uram ni pora-pora, Nahasit i tibu ma malum, jala tibu ma ro si las ni roha. Ale Amanami na di banuaginjang. Sai pinarbadia ma goarMu Sai ro ma harajaonMu Sai saut ma lomo ni rohaM Di banuatonga on, songon na di banuaginjang. Lehon ma tu hami sadarion hangoluan siapari. Sesa ma dosanami Songon panesanami, di dosa ni dongan na mardosa tu hami Unang hami togihon tu pangunjunan Palua ma hami sian pangago Ai Ho do nampuna harajaon, dohot hagogoon ro di hasangapon saleleng ni lelengna. Amen.

mangampu

Asa harbangan ma dalan huta, balatuk dalan tu jabu

Hata pasu-gabe naung pinasahat muna, huboan hami mai martonga jabu

Asa peak mai diabingan  nami, jujung di simanjujung nami jala tuak di abara nami.

Asa tingko ma inggir-inggir, bulung nai rata-rata,

Sude hata pasu-gabe naung pinasahat muna hula-hula nami, pasauthon ma Amanta Namartua Debata

Turtu ma ninna anduhur Tio ma ninna lote,

Hata nauli nadenggan naung dipasahat hamu

Sai unang ma muba unang mose.

parompa

 Hula-hula (Siahaan) pasahat dengke dohot ulos parompa 

hata na pasahat dengke : "Songoni ma di hamu pamoruon nami, lumobi dihela/boru (lae/ito) songoi di pahompu/bere niba si SMT, "dison hupasahat hami upa-upa ima dengke sitio-tio, asa sai tio ma antong panggabean parhorasan dihamu. Dengke simudur- mudur asa sai mudur-udur hamu mangalului angka ngolu-ngolu siapari laho pature-ture pahompun/berenami on, sai saur ma antong ibana laho jumujung goar nai, imbur-imbur magodang sahat saur matua tumpahon ni Tuhanta pardenggan basa i. Botima - laos diuduti ma dipasahat ulos parompa ni pahompuna/berena dohot angka ulos holong sian Tulang, Tulang Rorobot 

Pasahat Ulos Parompa : 

On pe inang dohot hamu amang (ito/lae), sai tangiang ma bahen hamu ondolan ni ulaon muna, hipas hamu jala didongani Tuhanta nang dinapature-ture pahompu/bere nami on. Jala tu ibana pe antong dohonon nami ma : 

Dangka ni hariara ma pinangait-aithon 

Simbur ma ibana magodang, tongka panahit-nahithon 

Tubu tambisu di dolok ni sipaholon 

Sai anak na bisuk ma ibana, anak sipatujoloon 

Naung sampulu sada jumadi sampulu dua 

Sai siboan sangap ma ibana jala siboan tua. botima 

Laos diuloshon ma parompana tu pahompu/berena i sian jolo. Mangihut ma muse napasahat ulos holong sian angka Tulang Napitupulu dohot Tulang rorobot Sibarani. 

3M

 Alus ni Hula-hula tar songon on ma:

Mauliate ma di hamu parboruoan nami raja manurung di na di pasahat hamu panghataion jala mangido panuturion hamu sian hami horong ni hula-hula dohot tulang mu. (Kemudian berpaling kearah rombongan Hula-hula & Tulang).

Suang songoni ma di hita horong ni hula-hula dohot tulang sada do hita pomparan ni upputa siahaan somba debata, ala martampuk bulung marbona sakkalan hami ma sian pomparan ni opputta juara monang na Gabe hula-hula, hamu  ma sian raja ni anggi doli nami tuan pangerlam na Gabe tulang nunga tangkas rap umbegesa hita di na mangido panuturion parboruonta marga manurung tu hita asa mardos ni roha ma hita ise ma hita na pasahat panuturion ? (Somalna hula-hula tangkas do na pasahathon panuturion).  Jadi dos ma rohanta sada silompa gadong dua silompa ubi ma ate ? Molo tung hami hula-hula pe na pasahathon panuturion sude ma hita dapotan uli ate !

Di hamu parboruonnami, Raja manurung nunga sada roha nami sian horong ni hula-hula dohot tulangmu, molo sian hami horong ni hula-hulamu, dohonon-nami ma songon hata ni natua natua

Aek godang ma inna tu aek laut

Dos ni roha do antong sibaen na saut

Nunga tangkas hu ida jala hu paihut- ihut hami panghationmuna jala di dos ni roha muna, asa dohonon nami

Balintang ma pagabe, tumundalhon sitadoan,

Ari mu ma antong namarhula-marboru gabe, molo tangkas hamu marsipaolo-oloan.

“Songon ima hata sian hami horong ni hula-hula dohot tulang. Ulahon hamu ma Botima!”

Gabe ma hita jala horas, tadok mauliate tu Amanta Debata na mandongani hita sadarion. Nungnga marsipaunduhan hamu jala masipaoloan di angka nanaeng patupaonmuna. Sisada uli nama hamu na dua hasuhuton di ulaon on, jala sisada gora.

Dibahen i, sai masiamin-aminan ma hamu di ulaon on, songon lampak ni gaol, jala masitungkol-tongkolan songon suhat di robean.

Taringot anak dohot boru na tahatai sadaarion, ba on ma dohonongku, ba sai marrongkap ma nasida Jala :

Eme Sitambu tua ma parlinggoman ni siborok

Amanta debata do sileon tua, luhut na ma hita diparorot

pasahathon saput ni bere

 Di hamu keluarga besar ni ibotonami , tarlumobi ma di  hamu berenami na marhaha maranggi, suang songoni di sude hamu namardongan tubu raja lumban tobing, na dohot do hami marhabot ni roha  Tulangmuna, Nantulangmuna dohot Ompungmuna, sude hami na pungu on  diparmonding ni bere nami ima Harry Raymond Lumbantobing.

Najolo diparsorang ni bere nami on,  dipasahat Tulangna do Ulos Parompa ima songon lampin ni Berenami on. Nuaeng nunga monding ibana, ro ma hami Tulangna pasahat Ulos Saputna.

Hupasahat hami ma Ulos Saput on tu berenami naung monding on ulos parsirangan maon tuho bere dohot pangidoan di tangiangnami tu Amanta Debata Parasi Roha i, asa manaputi Parhorason, Panggabean sian pasu-pasu ni Tuhanta di hamu sude na tinadingkon ni berenami on.

Borhat ma ho bere Harry Raymond Lumbantobing, selamat jalan ma mandapothon Tuhan Jesus Kristus di surgo hasonangan i. (Laos diampehon ma Ulos Saputi tu na mondingi).

pasahathon parbue ni tangan sian simatua ni boru

dihamu saluhutna hula2 nami 

mauliate ma di Tuhanta mauliate di hita di saluhut na ala tongtong do hita dibagasan asi niroha ni debata napatulushon ulaon ta di sadarion dibagasan sada ni roha ,

jadi hombar tu jou-jou muna tu simatua ni boru , dison nunga rade be hami nalao patuduhon holong nami di par saurmatua ni nantulang nami 

di hamu, tulang nami, hula hula nami diparjongjong nami dison ima sian simatua ni bpru muna  na muli tu marga siahaan.

jadi di naro hami ala naung di boto hami nunga saur matua inang natahaholongi on, di son rodo hami nalao patuduhon sisada sitaonon do hita namarhula-boru 

anggo hata pasu gabe dohot dohot tangiang sian hula2nta ma jalo hamu, anggo hami pamoruanmuna mangido hata pasu do sian hamu, ia haroro nami di tingki on 

songon namanumpahi ulaon ta di tingki, tung songoni pe songoni parbue ni tangan nadipatuhami otik dang sihataon godang dang sipujion ba tung songonipe 

nadipatupa hami songon ganti ni krans bunga lao mangurupi hamu di par saur matua nantulang hula2 namion ba las ma rohamuna dohonon nami  songon hata niumpasa 

tintin ma natipoa golang2 pangaruhna, songoni pe na boi hupatupa hami lao mangurupi hula2 nami gok ma pinasuna

mauliate ma di hamu hula2 nami 

di parpunguanta sadarion di par saurmatuan ni nantulang nami on,

mauliate ma naung pinasahat tulang  ulos partogian nunga sahat tu hu hasahatanna, sahat sahat ni solu ma sahat tu tiga ras, leleng ma hita mangolu jala horas-horas.

on pe raja ni hula-hula, tung mulak pe hami tu huta nami songon hata ni umpasa ma dohonon nami napuran tano-tano rangging masiranggongan

tung badan ta pe padao-dao tondi ta masi gongoman. tung andigan pe nantulang nami on dipataru tuinganan parsatongkinan i, ba tuhanta ma namangaramoti 

songoni hata sian hami 

di hamu parmusik nami 

tinahu ma mual tio dibaen tu panuhatan, baen damang ma gondang sitio-tio laos panangkok ma tu hasahatan

Hula anak manjae tu napitupulu

 Mauliate ma di Tuhanta, mauliate ma nang di hita saluhutna, suang songoni ma di hamu keluarga besar ni lae  nami marga Napitupulu, mauliate ma di gokkon dohot jou-jou mu tu hami hula-hula anak manjae Siahaan ima siala naung manjalo pasupasu parbagasan bere nami sian pangula ni huria di bagas joro ni tuhanta . Las situtu do roha nami suang songoni ma nian nang hamu las ma rohamu manjanghon hami. Molo tung pe torop so piga  haroro nami sai unang ma nian manghurangi di las ni rohamu.

Tu ho ibotokku
dohonon nami ma songon nidok umpasa :

Andor hadukka ma patogu-togu lombu, Andor hatiti togu togu ni horbo.
Penggeng saur matua ma hamu pairing-iring pahoppu sahat tu na marnini sahat tu na marnono

Untuk Kedua Mempelai ronald dan sinta, Kami dari hula-hula anak manjae Siahaan, hula-hula dari abangmu bapak jeremy, hadir disini untuk turut bersukacita atas pemberkatan nikah kalian.
Kami mengucapkan Selamat Berbahagia. jadikanlah Firman Tuhan sebagai sandaran hidup dan dalam mengarungi bahtera rumah tangga kalian berdua.
Doa dan harapan kami kiranya kalian senantiasa saling mengasihi, saling setia dan  menjadi  role model bagi pasangan lainnya.

Kami akan menyampaikan sebagai bukti holong kami,  keunikan ulos ini tidak dijahit tetapi benang yang saling mengikat demikian jugalah kalian jadikanlah kasih sebagai pengikat diantara kalian berdua

 
Dohonon nami ma songon na ni dok ni sijolo-jolo tubu :

Di ginjanninnana arirang, di toru pargomgoman;
Dao ma sian hamu hata sirang, tondi mu antong marsigonggoman.

Nisuan ma attong hau dapdap didolok ni sibodiala

Tubu ma attong dihamu anak namarsangap do hot boru namartua

Sahat sahat ni solu, sahat di binsar ni mata ni ari,

Pasahaton nami ma ulos na ganjang si torop rambu on tangian parhitean nami, asa leleng ma hamu mangolu di iringiring Tuhan ganup ari.