mandok hata di gareja dung sidung martumpol

1. ucapan syukur atas kelancaran acara

2. ucapan terima kasih kepada pendeta, parhalado, organist, kood

3. ucapan terima kasih tu holong ni hula2 dht tulang paranak, dongan tubu, boru/bere/ibebere dan hula2 panjaitan dan uduran

4.permohonan dungan dan doa, untuk persiapan dan acara pada hari H

5. ajakan untuk acara berikut nya

6. penutup

 

Tamada do hita mandok mauliate tu Amanta Debata Pardenggan Basa siala asi dohot holong ni roha na natongtong mangiringiring hita saluhutna sian angka ari naung salpu rodi tingki on tarlumobi ma i  sadarion mansai denggan jala une ulaon Partumpolon ni anak nami dohot oroanna ima na naeng parumaennami,  boru ni Hulahulanami Raja i Raja Panjaitan. Tangkas do nangkin nunga di patumpolhon nasida di jolo ni huria ni Tuhanta  marhite naposona amang pandita.

Asa dohonon nami ma antong mauliate godang tu amang pandita hendrad sinaga suang songoni tu saluhut parhalado ni hurianta HKBP Martadinata Ressort Bandung naung manghobasi jala patupahon ulaon partumpolon i. Udut tusi pasahaton nami do mauliate tu organist dohot sude punguan koor naung mamuji  pasangaphon goar ni Tuhanta marhite ende dohot puji-pujian naung ni endehon nasida, marsangap ma antong goar ni Tuhanta jala hita pe saluhut taruli pasu-pasu hinorhon ni ende puji-pujian i.

Namangihut, mauliate godang ma hupasahat hami tu saluhut hamu nahuparsangapi hami, Hula-hula nami Raja Tampubolon, Tulang dohot Bona Tulang nami  Raja tampubolon, Tulang Rorobot nami Raja Simorangkir, saluhut horong ni Hula-hula dohot Tulang,  suang songon i ma nang di hita namardongan tubu pomparan ni ompunta Siahaan Somba Debata, Boru dohot Bere/Ibebere nami, ale-ale, pariban, dongan sahuta nang  dongan sahuria, suang songoni ma di hamu Hula-hula nami Raja i Raja  Panjaitan dohot saluhut uduran muna, mauliate godang ma hupasahat hami di haradeon dohot harentaon muna mangadopi acara partumpolon ni anak nami dohot boru ni Raja i di namarsangkap nasida naeng mamungka pardongan saripeon jala naeng manjalo pasu-pasu parbogason nasida di ari Sabtu 3 Okt 2026 na naeng ro marhite naposo ni Tuhanta.

Ala ni i,  marhite on tung  gomos do pangidoon nami asa rap taboan nasida di tangiangta, asa tiur sude sangkap nasida, jala dao ma angka abat-abat. Suang songoni ma nang di hami bona ni hasuhuton paranak dohot Hula-hula nami Raja Panjaitan, boan hamu hami ditagiangmuna asa dipagogoi jala di parbisuhi hami di na naeng mangarade patupahon angka nahombar tu pamasupasuon dohot pesta unjuk ni ianakhon nami.

Dihamu amang inang, dung sidung acara partumpolon adong dope siuduton ta acara namangihut ima songon namarhata sinamot di inganan naung di patupa hula-hula nami Raja Panjaitan, asa rap udur ma hita di tingkina mangadopi ulaon.

songoni majo hata hamauliateon na boi sipasahaton nami, amanta debata ma na mambaloshon angka nauli nadenggan sian hita saluhutna., Horas mardongan mauliate.