pesta unjuk enrico

MANGALUSI PANUTURION

Mauliate ma di hamu pamoruon nami raja Lumbantobing di na di pasahat hamu panghataion jala mangido panuturion hamu sian hami horong ni hula-hula dohot tulang mu. 

Di hamu  amangboru nami, Raja Lumbantobing   dohonon-nami ma songon hata ni natua natua

Aek godang ma inna tu aek laut

Dos ni roha do antong sibaen na saut

Nunga tangkas hu ida jala hu paihut- ihut hami panghataion muna  di ulaonta sadaraion jala di dos ni roha muna, asa dohonon nami.

Balintang ma pagabe, tumundalhon sitadoan,

Ari mu ma antong namarhula-marboru gabe, molo tangkas hamu marsipaolo-oloan.

“Songon ima hata sian hami horong ni hula-hula dohot tulang. Ulahon hamu ma Botima!”

MANGALUSI TINTIN MARANGKUP

Mauliatema tadok tu Amanta Debata Pardenggan Basa I, ala asi dohot holong ni roha Na, pairing-iring hita sahat tu tingkion.

Di hamu Raja Sinaga didongani pamoruon nami Raja Lumbantobing  , nuaeng ro hamu mandapothon hami marga Siahaan, dison diboan hamu dotanggo-tanggo na bolon, asa togu jala tanggo ma dihita partuturon ta, dipasahat hamu do tong tuak na tonggi asa tio jala tonggi hita maradophon pamoruan ta on , dipasahat hamu do tong ringgit sitio suara natinopa ni pamarenta songon  jambar na gok i ma upa tulang, di dok tutu tintin marangkup. Dohonon nami antong :

Bulung namartampuk, bulung ni simarlasuna,
Nunga hujalo hami tintin marangkup,Dohonon ma hata pasu-pasuna

Hot pe jabu i, tong do i margulang-gulang

Boru Sinaga pe di alap bereniba si  Rico na tong do i boru Siahaan boru ni Tulang

Jadi borunta on molo di hutanami  boru Siahaan do on . Alani i sada ma hita maradophon borunta on, ia hamu di jolo hami ma di pudi ia hami di jolo hamu ma di pudi paihut-ihut nasida. Jadi anggi parhundul mamungka sadari on  rap udur ma hita maradophon nasida.

Tu nasida pe antong dohonon ma songon ni dok ni natua-tua :

Giring-giring ma tu gosta-gosta, tu boras ni singkoru,
Sai tibu ma nasida mangiring-iring anak, huhut mangompa-ompa boru.

tu hamu Lae Nami Raja Lumbantobing

Andor ras ma andor ris, natubu di huta Sibuhuan, horas-horas ma hamu jala torkis, ditumpak asi dohot holong sian Tuhan.

suang songoni ma tu hita saluhutna

Eme sitamba tua ma natubu di tano nahornop, Amanta Debata di Namartua, horas ma hita saluhutna tong-tong diparorot.

Songoni hata Sian hami tulang Siahaan sijalo tintin marangkup, partingkian on hupasahat hami ma tu hamu, sidotdoti ma hami.

PASAHATHON HATA NI ULOS 

Mauliate ma di Tuhanta, mauliate ma nang di hita saluhutna, suang songoni ma di hamu keluarga besar ni boru  nami Raja Lumbantobing, mauliate ma di gokkon dohot jou-jou mu tu hami hula-hula dohot tulang  Raja Siahaan ima siala naung manjalo pasupasu parbagasan berenami   di bagas joro ni tuhanta . Las situtu do roha nami suang songoni ma nian nang hamu las ma rohamu manjanghon hami. Molo tung pe torop so piga  haroro nami sai unang ma nian manghurangi di las ni rohamu.

Tu hamu pamoruon nami dohonon nami ma songon nidok umpasa :

Andor hadukka ma patogu-togu lombu, Andor hatiti togu togu ni horbo.

Penggeng saur matua ma hamu pairing-iring pahoppu sahat tu na marnini sahat tu na marnono

Untuk Kedua Mempelai enrico dan xxxxxx, Kami dari tulang rorobot Siahaan, tulang dari mama ya  gilbert, hadir disini untuk turut bersukacita atas pemberkatan nikah kalian.

Kami mengucapkan Selamat Berbahagia. jadikanlah Firman Tuhan sebagai sandaran hidup dan dalam mengarungi bahtera rumah tangga kalian berdua.

Doa dan harapan kami kiranya kalian senantiasa saling mengasihi, saling setia dan  menjadi  role model bagi pasangan lainnya.

Kami akan menyampaikan ulos sebagai bukti holong kami,  keunikan ulos ini tidak dijahit tetapi benang yang saling mengikat demikian jugalah kalian jadikanlah kasih sebagai pengikat diantara kalian berdua

Dohonon nami ma songon na ni dok ni sijolo-jolo tubu  :

Di ginjanninnana arirang, di toru parparlinggoman;

badan muna naso  marsirang, tondi mu antong marsigonggoman.

Ruma ijukk

Di jolo ni sopo gorga

Saiu dilehon Debata ma di hamu anak na bisuk

Dohot boru na martua

Sahat sahat ni solu, sahat di binsar ni mata ni ari,

Pasahaton nami ma ulos na ganjang si torop rambu on tangiang parhitean nami, asa leleng ma hamu mangolu di iringiring Tuhan ganup ari.

pasahat,  tintin marangkup, marbonsir mai ala naung mangalap boru bere nami, ima boru …….. Bangko ni adat do tutu i, di hita halak batak, laho pasangaphon tulang. Alana mulai sadarion diparadaton tu bere nami on, si sada boru ma hita. Tudos songon hatani natua-tua namandok, Hot pe jabu i, tong doi margulang-gulang; sian dia pe bere i mangalap boru, tong doi boru ni tulang.

dison diboan hamu dotanggo-tanggo na bolon, asa togu jala tanggo ma dihita partuturon na sisada boru, 

Dangka ni hau dulang, Bahen panjomuran ni rere, Sai hot do i boru ni tulang, Boru ni ise pe di alap bere

Alani di hamu marga ………. marampara ma hita tutu mulai tingkion, molo hami dijolo ba mangihut ma hamu sian pudi, laos songoni do, molo hamu dijolo ba mangihut ma hami sian pudi.

Hami pe sian tulang, tong-tong do manangiangkon berenami nang borunamion, asa masibar nasida songon ambalang marokkap songon bagot, jala sai tong-tong sada  songon daion mual. Unang mardua-dua songon daion tuak.

Parjolo ma dohonon nami tu hamu marga …… (paranak) dohot marga …….(parboru),

Andor hadungka ma togu-togu ni lombu, andor rantiti togu-togu ni horbo, penggeng ma Saur matua, hamu leleng mangolu, laho patogu-togu pahompu sahat tu namar nini, sahat tu namar nono.

Andor ras ma andor ris, natubu di huta Sibuhuan, horas-horas ma hamu jala torkis, ditumpak asi dohot holong sian Tuhan.

Eme sitamba tua ma natubu di tano nahornop, Amanta Debata di Namartua, horas ma hamu tong-tong diparorot.

Secara khusus tu hamu nadua borungku dohot bereng ku

1.      Napuran ni parsoburan ma, tu gambir ni sitapongan, sai tong-tong ma hamu nadua sauduran, jala masi haholongan

2.      Dangka ni arirang, peak ni tonga ni onan, badan muna naso jadi sirang, tondimu tong-tong masigomgoman.

3.      Asa di toruma parbarbaran, di ginjang ma partanggalan, sai dapot ma dihamu naniluluan, jumpang na jinalahan.

4.      Antong hudon panuhatan, inganan ni tapian, jinujung dialaman, dijolo ni ruma parsaktian, manang tudia pe hamu mangalangka sai tongma dapotan parsaulian.

5.      Asa tubu ma singkoru dilambung ni tandiang, sai tibu ma borungku togu marurat tu toru, mardangka tu lambung, jala tongam marbulung tu ginjang

6.      Antong giring-giring ma gosta-gosta tu boras ni sikkoru, tibu ma hamu mangiring-iring jala marompa-ompa dianak dohot boru.

7.      Asa uli ma ninna porda pandohotan ni hulamot, ditongos Debata ma di hamu jolma, mangihut ma dohot sinamot.

8.      Asa jong-jong ma sopo ijuk, paadop-adop ruma gorga, dilehon Debata ma di hamu anak nabisuk dohot boru namar roha

9.      Tangki ma jala walang, galinggang jala garege, dipasorangkon Debata ma di hamu anak sipartahi jala ulu balang, dohot boru parmas jala pareme.

Tu hita saluhut na, dohonon ma tutu songon hata ni natua-tua namandok

Asa purba ma dihabincaran, dihasundutan ma angkola, sai tong-tong ma hita marhaposan jala marhaporusan tu Tuhan, asa sinur na pinahan tu gabena na ni ula.

Simbora ma guk-guk peak di lage-lage, mamora ma hitaon luhut, horas jala gabe

Sahat-sahat ni solu, sahat ma to bontean, toho di rondang ni bulan, sai leleng ma hita mangolu, sahat tu parhorasan, sahat tu panggabean, jala tong-tong diramoti Tuhan. Botima

Pesta Unjuk marga SIlaen sebagai Tulang rorobot , Grha Emerald

  Mauliate ma di Tuhanta, mauliate ma nang di hita saluhutna, suang songoni ma di hamu keluarga besar ni Ibebere  nami Raja Silaen, mauliate ma di gokkon dohot jou-jou mu tu hami tulang rorobot Raja Siahaan ima siala naung manjalo pasupasu parbagasan pahompu nami  di bagas joro ni tuhanta . Las situtu do roha nami suang songoni ma nian nang hamu las ma rohamu manjanghon hami. Molo tung pe torop so piga  haroro nami sai unang ma nian manghurangi di las ni rohamu.

Tu hamu Ibebere nami dohonon nami ma songon nidok umpasa :

Andor hadukka ma patogu-togu lombu, Andor hatiti togu togu ni horbo.
Penggeng saur matua ma hamu pairing-iring pahoppu sahat tu na marnini sahat tu na marnono

Untuk Kedua Mempelai gilbert dan evelin, Kami dari tulang rorobot Siahaan, tulang dari mama ya  gilbert, hadir disini untuk turut bersukacita atas pemberkatan nikah kalian.
Kami mengucapkan Selamat Berbahagia. jadikanlah Firman Tuhan sebagai sandaran hidup dan dalam mengarungi bahtera rumah tangga kalian berdua.
Doa dan harapan kami kiranya kalian senantiasa saling mengasihi, saling setia dan  menjadi  role model bagi pasangan lainnya.

Kami akan menyampaikan ulos sebagai bukti holong kami,  keunikan ulos ini tidak dijahit tetapi benang yang saling mengikat demikian jugalah kalian jadikanlah kasih sebagai pengikat diantara kalian berdua

 
Dohonon nami ma songon na ni dok ni sijolo-jolo tubu  :

Di ginjanninnana arirang, di toru parparlinggoman;
badan muna naso  marsirang, tondi mu antong marsigonggoman.

Ruma ijukk
Di jolo ni sopo gorga
Saiu dilehon Debata ma di hamu anak na bisuk
Dohot boru na martua

Sahat sahat ni solu, sahat di binsar ni mata ni ari,

Pasahaton nami ma ulos na ganjang si torop rambu on tangiang parhitean nami, asa leleng ma hamu mangolu di iringiring Tuhan ganup ari.

ulaon marhata sinamot Silaen Br Napitupulu

 di ulaon marhata sinamot, sebelum dimulai panghataion soal Harga ni sinamot jumolo marpanungkun tu horong ni hula2 

somalna hula-do mangalusi alai jala sisada hata do alai molo pe sude ris manghatahon nauli nadenggan do :

Alus ni tulang rorobot (hita sebagai tulang rorobot) tar songon on ma:

Mauliate ma di hamu berenami nami raja silaen di na di pasahat hamu panghataion jala mangido panuturion hamu sian hami horong ni hula-hula dohot tulang mu. 

Di hamu berenami, Raja Silaen  molo sian hami tulang rorobot , dohonon-nami ma songon hata ni natua natua

Aek godang ma inna tu aek laut

Dos ni roha do antong sibaen na saut

Nunga tangkas hu ida jala hu paihut- ihut hami panghataionmuna jala di dos ni roha muna, asa dohonon nami

Balintang ma pagabe, tumundalhon sitadoan,

Ari mu ma antong namarhula-marboru gabe, molo tangkas hamu marsipaolo-oloan.

“Songon ima hata sian hami horong ni hula-hula dohot tulang. Ulahon hamu ma Botima!”

dung sae ulaon marhata sinamot dilanjuthon marhata sigabe-gabe somalna ris do sude horong ni tulang dohot hula-hula mandok hata : (hira2 songonon ma hatana)

Gabe ma hita jala horas, tadok mauliate tu Amanta Debata na mandongani hita sadarion. Nungnga marsipaunduhan hamu jala masipaoloan di angka nanaeng patupaonmuna. Sisada uli nama hamu na dua hasuhuton di ulaon on, jala sisada gora.

Dibahen i, sai masiamin-aminan ma hamu di ulaon on, songon lampak ni gaol, jala masitungkol-tongkolan songon suhat di robean.

Demikian juga lah buat bere kami berdua yah pada hari ini kalian sudah melakukan perjanjian pra-nikah dan disaksikan oleh para orang tua, tulang dan seluruh keluarga besar ,  gilbert (goar ni calon baoa) bere kami si Evelin (goar ni calo borua) yang paling cantik di dunia ini demikian juga buat Evelin si gilbert inilah yang paling ganteng di dunia ini, 

artinya tulang berharap kalian berdua jangan berpaling lagi dengan janji yang sudah diucapkan. hendaklah kalian saling menjaga hati dan pikiran sampai Waktu nya di hari pemberkatan nikah tanggal ................., tuhan memberkati 

Taringot anak dohot boru na tahatai sadaarion, ba on ma dohonongku, ba sai marrongkap ma nasida Jala :

Eme Sitambu tua ma parlinggoman ni siborok

Amanta debata do sileon tua, luhut na ma hita diparorot

songoni hata sigabe-gabe sian hami horong ni tulang rorobot, mauliate. horas

ulaon sari matua

 punguan na marhabot ni roha mauliate ma di tuhanta mauliate ma di hita saluhut, tarlumobi ma di hamu keluarga besar ni amangboru nami dison raja nababan, rodo hami sian horong ni hula-hula namarhaha maranggi  napataridon diri nami na dohot do hami marhabot, ihut tu naung tahatai di ulaon tonggo raja nabodari. songonon ma partording ni ulaon sian hula hu namarhaha maranggi siahaan 1. hata patujolo 2. marende sian buku ende no 449 sai solhot tu silangmi 3. martangiang 4. pasahathon ulos holong 5. pasahathon hata huhuasi (boru, dongan tubu) 6. marende sian buku ende no 219 ise do alealenta 7. martangiang tangiang : puji-pujian, hamuliateon dipasahat roha nami ale Tuhan Debata ama nami, disiala denggan ni basam mangiringi ngolu nami boi hami marnatampak di ari denggan on, disiala mai naung dialap ho ina na hinaholongan sian tonga-tonga nami, tagan so lungun roha jala tarilu tarlumobi ma di pomparan ni namboru  nami naung nialapmon. hodo nampuna hami, mangolu nang mate pinuji ma goar mu nabadia i, angkup ni i tuhan hodo pangapul nasumurung, ho ma mangupuli jala mangapus iluni keluarga ni ina naung jumolo, pargogoi nasida dinamangulahon adat na hombar tusi sahat tunapataruhon tu inganna parsatongkinan i suang songoni di parpunguan nami on, homa namamasu-masu uloan on sian parmulaan sahat tu na mangunjungi angkup ni i tuhan jumolo sesa ma dosa nami, asa tung tama hami di adopanmu  mauliate tuhan, on ma tangiang pangidoan nami mangasahon goar nianak mu Tuhan Yesus Sihokkop hami.amen 

songon naung tahatai di ualon tonggo raja, sebelum pasahathon hata huhuasi, jumolo majo di pasahat hami ulos holong, ima tu hela dht borunami, parsadaan tu anak ni namborunami on, parsadaan tu pahompu ni ibotonami on

pasahat ulos, hata dison rodo di nanaeng pasahat ulos, tangiang parhitean nami tu tuhanta asa las daging dohot tondimuna jala margogo hamu dinalao pasaehon ari2 ni namboru nami naung jumolo on.  eme sitamba tua ma parlinggoman ni siborok amanta debata do sileon tua, luhut nama hita diparorot

 Mandok Mauliate Ma Hita Tu Tuhan Pardenggan Basa,Ala Boi Dope Hita Marpungu Dibagasan Ombas On,Jala Di lehon dope DiHita Ima Akka Tikki Na Denggan Di ari Partuat Ni iboto Nami On(Sebutkan pasaribu Panggilan Oppu panggoaran Yang Meninggal) laos di lao pataruhon  Tu Udean Ima Inganan Parsatokinan i. Mauliate Ma Tadok Attong Tu Adopan Ni Pardenggan Basa I,Ala Dilehon do Di iboto Nami on,Umur Saur Matua,Molo Masa Pe Namasa I,Sai Tuhani Ma Attong Namangapul Rohani Ganup Akka Sisolhot Na Di Tinggalhon ni iboto Nami on,Hita Do Na Marsakkap Alai Tuhan Do Napatulushon. Dibahen i,Sai Rade Ma hita Rap Dohot Roha Na Sonang laho Paborhathon lae Nami On Tu Inganan Parsatokkinan i,Sai Dipasu-pasu tuhan Ma saluhut akka popparanna. Jala Songon Hata ni umpasa ma Dohonon nami;Tinapu bulung siarum bahen uram ni pora-pora, Nahasit i tibu ma malum, jala tibu ma ro si las ni roha. Ale Amanami na di banuaginjang. Sai pinarbadia ma goarMu Sai ro ma harajaonMu Sai saut ma lomo ni rohaM Di banuatonga on, songon na di banuaginjang. Lehon ma tu hami sadarion hangoluan siapari. Sesa ma dosanami Songon panesanami, di dosa ni dongan na mardosa tu hami Unang hami togihon tu pangunjunan Palua ma hami sian pangago Ai Ho do nampuna harajaon, dohot hagogoon ro di hasangapon saleleng ni lelengna. Amen.

mangampu

Asa harbangan ma dalan huta, balatuk dalan tu jabu

Hata pasu-gabe naung pinasahat muna, huboan hami mai martonga jabu

Asa peak mai diabingan  nami, jujung di simanjujung nami jala tuak di abara nami.

Asa tingko ma inggir-inggir, bulung nai rata-rata,

Sude hata pasu-gabe naung pinasahat muna hula-hula nami, pasauthon ma Amanta Namartua Debata

Turtu ma ninna anduhur Tio ma ninna lote,

Hata nauli nadenggan naung dipasahat hamu

Sai unang ma muba unang mose.

parompa

 Hula-hula (Siahaan) pasahat dengke dohot ulos parompa 

hata na pasahat dengke : "Songoni ma di hamu pamoruon nami, lumobi dihela/boru (lae/ito) songoi di pahompu/bere niba si SMT, "dison hupasahat hami upa-upa ima dengke sitio-tio, asa sai tio ma antong panggabean parhorasan dihamu. Dengke simudur- mudur asa sai mudur-udur hamu mangalului angka ngolu-ngolu siapari laho pature-ture pahompun/berenami on, sai saur ma antong ibana laho jumujung goar nai, imbur-imbur magodang sahat saur matua tumpahon ni Tuhanta pardenggan basa i. Botima - laos diuduti ma dipasahat ulos parompa ni pahompuna/berena dohot angka ulos holong sian Tulang, Tulang Rorobot 

Pasahat Ulos Parompa : 

On pe inang dohot hamu amang (ito/lae), sai tangiang ma bahen hamu ondolan ni ulaon muna, hipas hamu jala didongani Tuhanta nang dinapature-ture pahompu/bere nami on. Jala tu ibana pe antong dohonon nami ma : 

Dangka ni hariara ma pinangait-aithon 

Simbur ma ibana magodang, tongka panahit-nahithon 

Tubu tambisu di dolok ni sipaholon 

Sai anak na bisuk ma ibana, anak sipatujoloon 

Naung sampulu sada jumadi sampulu dua 

Sai siboan sangap ma ibana jala siboan tua. botima 

Laos diuloshon ma parompana tu pahompu/berena i sian jolo. Mangihut ma muse napasahat ulos holong sian angka Tulang Napitupulu dohot Tulang rorobot Sibarani. 

3M

 Alus ni Hula-hula tar songon on ma:

Mauliate ma di hamu parboruoan nami raja manurung di na di pasahat hamu panghataion jala mangido panuturion hamu sian hami horong ni hula-hula dohot tulang mu. (Kemudian berpaling kearah rombongan Hula-hula & Tulang).

Suang songoni ma di hita horong ni hula-hula dohot tulang sada do hita pomparan ni upputa siahaan somba debata, ala martampuk bulung marbona sakkalan hami ma sian pomparan ni opputta juara monang na Gabe hula-hula, hamu  ma sian raja ni anggi doli nami tuan pangerlam na Gabe tulang nunga tangkas rap umbegesa hita di na mangido panuturion parboruonta marga manurung tu hita asa mardos ni roha ma hita ise ma hita na pasahat panuturion ? (Somalna hula-hula tangkas do na pasahathon panuturion).  Jadi dos ma rohanta sada silompa gadong dua silompa ubi ma ate ? Molo tung hami hula-hula pe na pasahathon panuturion sude ma hita dapotan uli ate !

Di hamu parboruonnami, Raja manurung nunga sada roha nami sian horong ni hula-hula dohot tulangmu, molo sian hami horong ni hula-hulamu, dohonon-nami ma songon hata ni natua natua

Aek godang ma inna tu aek laut

Dos ni roha do antong sibaen na saut

Nunga tangkas hu ida jala hu paihut- ihut hami panghationmuna jala di dos ni roha muna, asa dohonon nami

Balintang ma pagabe, tumundalhon sitadoan,

Ari mu ma antong namarhula-marboru gabe, molo tangkas hamu marsipaolo-oloan.

“Songon ima hata sian hami horong ni hula-hula dohot tulang. Ulahon hamu ma Botima!”

Gabe ma hita jala horas, tadok mauliate tu Amanta Debata na mandongani hita sadarion. Nungnga marsipaunduhan hamu jala masipaoloan di angka nanaeng patupaonmuna. Sisada uli nama hamu na dua hasuhuton di ulaon on, jala sisada gora.

Dibahen i, sai masiamin-aminan ma hamu di ulaon on, songon lampak ni gaol, jala masitungkol-tongkolan songon suhat di robean.

Taringot anak dohot boru na tahatai sadaarion, ba on ma dohonongku, ba sai marrongkap ma nasida Jala :

Eme Sitambu tua ma parlinggoman ni siborok

Amanta debata do sileon tua, luhut na ma hita diparorot